പന്തളം: വ്യാഴാഴ്ച രാവിലെ പന്തളത്ത് തിരിച്ചെത്തിയ തിരുവാഭരണഘോഷയാത്രയെ ഭക്തര് ശരണംവിളികളോടെ വരവേറ്റു.
ആറന്മുളയില്നിന്ന് പുലര്ച്ചെ നാലിന് പുറപ്പെട്ട ഘോഷയാത്രയ്ക്ക് വഴിയിലുടനീളം സ്വീകരണം നല്കി. പന്തളം സ്രാമ്പിക്കല് കൊട്ടാരത്തിലെത്തി ആഭരണങ്ങള് ദേവസ്വം ബോര്ഡ് അധികാരികളില്നിന്ന് കൊട്ടാരം നിര്വാഹകസംഘം ഭാരവാഹികള് ഏറ്റുവാങ്ങി സുരക്ഷിതമുറിയില് വച്ചു.
അയ്യപ്പന്റെ പിറന്നാളായ കുംഭമാസത്തിലെ ഉത്രംനാളില് (ഫിബ്രവരി 17) ആഭരണങ്ങള് ദര്ശനത്തിനായി വെയ്ക്കും.
