മഴുക്കീര്‍ : ശ്രീഗോപാലകൃഷ്ണവിലാസം എന്‍.എസ്.എസ്. കരയോഗം പണിത പ്ലാറ്റിനം ജൂബിലി സ്മാരക മന്ദിരം എന്‍.എസ്.എസ്. പ്രസിഡന്റ് അഡ്വ.പി.എന്‍.നരേന്ദ്രനാഥന്‍ നായര്‍ ഉദ്ഘാടനം ചെയ്തു.
എന്‍.എസ്.എസ്. രജിസ്ട്രാറും താലൂക്ക് യൂണിയന്‍ പ്രസിഡന്റുമായ കെ.എന്‍.വിശ്വനാഥന്‍ പിള്ള അധ്യക്ഷത വഹിച്ചു. ഹിന്ദു ഐക്യവേദി സംസ്ഥാന ജന.സെക്രട്ടറി ഭാര്‍ഗവറാം, ക്‌നാനായ സഭ കല്ലിശ്ശേരി മേഖലാധ്യക്ഷന്‍ കുര്യാക്കോസ് മാര്‍ ഗ്രിഗോറിയോസ് എന്നിവര്‍ അനുഗ്രഹ പ്രഭാഷണങ്ങള്‍ നടത്തി.
കരയോഗം സെക്രട്ടറി വി.ആര്‍.മുരളീധരന്‍ പിള്ള റിപ്പോര്‍ട്ട് അവതരിപ്പിച്ചു. യൂണിയന്‍ വൈസ് പ്രസിഡന്റ് പി.എന്‍.സുകുമാരപ്പണിക്കര്‍, സെക്രട്ടറി ബി.കെ.മോഹന്‍ദാസ്, അജയഘോഷ്, കെ.ഗോപകുമാര്‍, വി.സജീവ്കുമാര്‍, കെ.കെ.രാമകൃഷ്ണപിള്ള, ഗ്രാമപ്പഞ്ചായത്ത് പ്രസിഡന്റ് ചെറിയാന്‍ കുതിരവട്ടം, എന്‍.സദാശിവന്‍നായര്‍ അമ്പാടി, രാജു കൊണ്ടോടി, ആര്‍.അജിത്കുമാര്‍, സജു ഇടക്കല്ലില്‍, വി.കെ.ദിലീപ്കുമാര്‍, മനു തെക്കേടത്ത്, കമലമ്മ, തങ്കമണിയമ്മ, കരയോഗം പ്രസിഡന്റ് ഡി.വിനോദ്കുമാര്‍, ശ്രീരാജ് ശ്രീവിലാസം എന്നിവര്‍ പ്രസംഗിച്ചു.
