നെയ്യാറ്റിന്കര: താലൂക്ക് എന്. എസ്. എസ്. കരയോഗയത്തിനുകീഴിലെ 58 വനിതാ സ്വയംസഹായസംഘങ്ങള്ക്ക് മൂന്നുകോടി രൂപയുടെ വായ്പാ വിതരണം നടത്തി. മേളയുടെ ഉദ്ഘാടനം യൂണിയന് പ്രസിഡന്റ് ജി. സോമശേഖരന് നായര് നിര്വഹിച്ചു.
നായര് സര്വീസ് സൊസൈറ്റിയില് നിന്ന് യൂണിയനിലെ മൂന്നു കരയോഗാംഗങ്ങള്ക്ക് അനുവദിച്ച ഭവനനിര്മാണ ധനസഹായവും ചികിത്സാ ധനസഹായവും വിതരണം ചെയ്തു.
ധനലക്ഷ്മിബാങ്ക് ധനുവച്ചപുരം ശാഖാമാനേജര് ശങ്കരനാരായണന്, യൂണിയന് ഭരണസമിതി അംഗങ്ങളായ പി. എസ്. നാരായണന് നായര്, ബി. വേണുഗോപാല കുറുപ്പ്, ജി. പ്രവീണ്കുമാര്, പി. വേലപ്പന് നായര്, പ്രതിനിധി സഭാംഗങ്ങളായ എന്. ശൈലേന്ദ്രകുമാര്, ഇ. ഫാലലോചനന് നായര്, വി. വിജയകുമാരന് നായര്, ഡി. ഗോപാലകൃഷ്ണന് നായര്, യൂണിയന് വൈസ് പ്രസിഡന്റ് കെ. സോമന് നായര്, സെക്രട്ടറി ടി. എസ്. നാരായണന്കുട്ടി, വനിതാ യൂണിയന് പ്രസിഡന്റ് എല്. സതികുമാരി, യൂണിയന് ഇന്െസ്പക്ടര് അരുണ് ജി. നായര് എന്നിവര് പങ്കെടുത്തു.
