വെള്ളറട: എന്.എസ്.എസ് 189 നമ്പര് മൈലച്ചല് കരയോഗത്തിന്റെ നേതൃത്വത്തില് എന്.എസ്.എസ്. ശതാബ്ദി സമ്മേളനവും ദേശീയ സംസ്ഥാന പ്രതിഭകളെ അനുമോദിക്കലും മുന് കരയോഗ സാരഥികളെ ആദരിക്കലും നടത്തും. 25ന് വൈകിട്ട് മൂന്നിന് മൈലച്ചല് കെ.എച്ച്.ഡി.പി. ഹാളില് നടക്കുന്ന പരിപാടികള് താലൂക്ക് യൂണിയന് പ്രസിഡന്റ് ജി. സോമശേഖരന് നായര് ഉദ്ഘാടനം ചെയ്യും. കരയോഗം മുന്സാരഥികളെ ആദരിക്കല് തത്തിയൂര് സോമന് നായരും, എച്ച്.ആര്. സെല്ലിന്റെ ഉദ്ഘാടനം മാമ്പഴക്കര രാജശേഖരന് നായരും നിര്വഹിക്കും.
